პრეზიდენტის მიმართ სეზონური გართულება აქვს, - განაცხადა ,,ნაციონალური მოძრაობის” ერთ-ერთმა ლიდერმა რომან გოცირიძემ ირაკლი კობახიძის განცხადების შეფასებისას, რომლის თანახმადაც, პარლამენტის თავმჯდომარე გიორგი მარგველაშვილს სახელმწიფო საკონსტიტუციო კომისიის წინააღმდეგ კამპანიის დაწყებაში ადანაშაულებს.
მისივე განცხადებით, საპარლამენტო უმრავლესობა რამდენიმე კვირის წინ საკონსტიტუციო კომისიის მიერ მიღებული გადაწყვეტილების რევიზიას ახორციელებს, რაც კიდევ ერთხელ ადასტურებს, რომ ხელისუფლებაში არ არსებობს გადაწყვეტილების მიმღები.
„პრეზიდენტის მიმართ ამათ აქვთ სეზონური გართულება. ეს არის საგაზაფხულო შეტევა. ის, რომ ერთი შეხედვით კომისიის მიერ ერთი კვირის წინ მიღებული კონსტიტუცია ხდება რევიზიის საგანი, ის რომ საპრეზიდენტო არჩევნები შეიძლება ახლა ჩატარდეს არაპირდაპირ, ის რომ მაჟორიტარებს არ უნდათ მაჟორიტარული სისტემის გაუქმება, ეს მიანიშნებს იმას, რომ მმართველ ხელისუფლებაში რეალურად არ არსებობს გადაწყვეტილების მიმღები,“ - განაცხადა რომან გოცირიძემ.