ევროსაბჭოს საპარლამენტო ასამბლეაში საქართველოს საკითხზე მომხსენებელს, ბორის სილევიჩს რუმინეთის წარმომადგენელი, ტიტუს კორლატეანი შეცვლის. ამის შესახებ ინფორმაციას "საზოგადოებრივი მაუწყებელი" ავრცელებს.
ტიტუს კორლატეანი სხვადასხვა დროს რუმინეთის იუსტიციისა და საგარეო საქმეთა მინისტრის თანამდებობებს იკავებდა, 2012 წლიდან კი რუმინეთის სენატის წევრია.
სილევიჩს უფლებამოსილების ვადა მაისში ეწურება, მის ნაცვლად ტიტუს კორლატეანის დანიშვნის საკითხს კი ევროსაბჭოს საპარლამენტო ასამბლეის ივნისის სესიაზე უყრიან კენჭს.
ევროსაბჭოს საპარლამენტო ასამბლეაში საქართველოს საკითხზე კიდევ ერთი მომხსენებელი, შვედეთის წარმომადგენელი კერსტრინ ვინგრენი ივნისიდან მუშაობას ტიტუს კორლატეანთან ერთად გააგრძელებს.