რა თქმა უნდა, ეს არის ჩვენი განაცხადი, რომ შენიშვნა, რომელიც სამართლებრივი თვალსაზრისით იქნება გამოთქმული ვენეციის კომისიის მხრიდან, იქნება გათვალისწინებული ჩვენი მხრიდან, - ამის შესახებ საქართველოს საპარლამენტო დელეგაციის წევრმა ნინო გოგუაძემ სტრასბურგში ვენეციის კომისიის მდივანთან შეხვედრის შემდეგ განაცხადა.
როგორც გოგოუაძემ აღნიშნა, წინასწარი ჩამოყალიბებული პოზიცია არცერთ საკითხზე არ დაუფიქსირებიათ, ვინაიდან ამაზე ჯერ ექსპერტებმა უნდა იმუშაონ და შემდგომ დადონ კონკრეტული მოსაზრებები.
„წინასწარი ჩამოყალიბებული პოზიცია, პოზიტიური ან წინააღმდეგობრივი, ბუნებრივია, არცერთ საკითხზე არ დაუფიქსირებიათ, ვინაიდან ამაზე უნდა იმუშაონ ექსპერტებმა და შემდეგ დადონ თავიანთი კონკრეტული მოსაზრებები. რა თქმა უნდა, ეს არის ჩვენი განაცხადი, რომ შენიშვნა, რომელიც სამართლებრივი თვალსაზრისით იქნება გამოთქმული ვენეციის კომისიის მხრიდან, იქნება გათვალისწინებული ჩვენი მხრიდან“, - განაცხადა ნინო გოგუაძემ.
ცნობისთვის, საქართველოს პარლამენტის დელეგაცია, თამარ ჩუგოშვილის ხელმძღვანელობით, სტრასბურგში ევროპის საბჭოს საპარლამენტო ასამბლეის საგაზაფხულო სესიის ფარგლებში გაემგზავრა.