.”ჯი-ეიჩ-ენი”. საქართველოს მთელს ტერიტორიაზე 26 აპრილიდან ჰაერის ტემპერატურა მოიმატებს. 25 აპრილს დასავლეთ საქართველოში, თითქმის ყველა რეგიონში, წვიმიანი ამინდია მოსალოდნელი. ბარში ჰაერის ტემპერატურა 8-13 გრადუსი იქნება.
აღმოსავლეთ საქართველოში მოსალოდნელია წვიმა, იქროლებს დასავლეთის ქარი, ზოგან ძლიერი - 20-25 მეტრი წამში, ხოლო ჰაერის ტემპერატურა იქნება 12-17 გრადუსი.
თბილისში დღე უნალექოდ ჩაივლის. ჰაერის ტემპერატურა 15 გრადუსი დაფიქსირდება, იქროლებს დასავლეთსი ქარი 10-15 მეტრი წამში.
როგორც ჰიდრომეტეოროლოგიური პროგნოზების სამსახურის უფროსმა განაცხადა, 26 აპრილიდან საქართველოში გამოიდარებს. დასავლეთში ჰაერი 24 გრადუსამდე გათბება, ხოლო აღმოსავლეთ საქართველოში 18 გრადუსია მოსალოდნელი. ღამის საათებში აღმოსავლეთ საქართველოში ტემპერატურა უარყოფით ნიშნულამდე დაეცემა და მოსალოდნელია -5 გრადუსი, რაც საფრთხეს შეუქმნის კურკოვან კულტურებს. ტემპერატურა უარყოფით ნიშნულამდე დაეცემა ასევე დასავლეთ საქართველოს მთაში.