რუსული ავიაკომპანია S7 Airlines-ი, ზაფხულის სეზონზე, მოსკოვიდან ქუთაისის მიმართულებით ავიარეისებს განახორციელებს. ავიაკომპანიამ შესაბამის მიმართულებაზე ბილეთების რეალიზაცია უკვე დაიწყო.
ფრენები მოსკოვის დომოდედოვოს საერთაშორისო აეროპორტიდან ოთხშაბათობით და შაბათობით განხორციელდება. S7 Airlines-ი აღნიშნულ მარშრუტზე ოპერირებას 7 ივნისიდან დაიწყებს და ფრენებს Airbus A319-ის მეშვეობით განახორციელებს.
„რუს ტურისტებს ძალიან უყვართ საქართველო. ჩვენ ამას სტაბილურად მზარდი მოთხოვნის ფონზე ვხედავთ. S7 Airlines-ი თბილისისა და ბათუმის მიმართულებით რეგურალურ რეისებს უკვე ახორციელებს, ხოლო ზაფხულიდან ჩვენი მგზავრების მეტი კომფორტისთვის ვამატებთ ქუთაისის მიმართულებასაც. ქუთაისი იმერეთის რეგიონის დედაქალაქია, რომელიც ცნობილი იმერული ხაჭაპურის სამშობლოა“, აცხადებს S7 Group-ის კომერციული დირექტორი იგორ ვერერენიკოვი.
