„იმ დანაშაულებრივ პოლიტიკას, რომელიც კაი ხანია რუსეთს დაწყებული აქვს აფხაზეთში ის ლოგიკურად აგრძელებს, - ასე აფასებს ლავროვის აფხაზეთში ვიზიტს საზოგადოებრივი მოძრაობის ახალი ერთობა საქართველოსთვის დამფუძნებელია ნიკოლოზ ვაშაკიძე.
მისი შეფასებით, უაღრესად მნიშვნელოვანია ოკუპირებულ აფხაზეთში დაგეგმილი ლავროვის ვიზიტი დასავლელ პარტნიორებთან და კონკრეტული ქვეყნების ლიდერებთან აქტიური განხილვის თემა გამხდარიყო.
„იმ დანაშაულებრივ პოლიტიკას, რომელიც კაი ხანია რუსეთს დაწყებული აქვს აფხაზეთში ის ლოგიკურად აგრძელებს. ხელისუფლება ფორმალური ნაბიჯებით შემოიფარგლება, შესაბამისად, ყურადღება საერთაშორისო საზოგადოების მხრიდან საქართველოს მიმართ შემცირებულია, რაც თავის მხრივ, რა თქმა უნდა, ამცირებს საქართველოს შესაძლებლობებს გარკვეული ზემოქმედება მოახდინოს სიტუაციაზე,“ - განაცხადა საზოგადოებრივი მოძრაობის ახალი ერთობა საქართველოსთვის დამფუძნებელმა ნიკოლოზ ვაშაკიძემ.
რუსეთის საგარეო საქმეთა მინისტრი სერგეი ლავროვი 18-19 აპრილს ოკუპირებულ აფხაზეთში ოფიციალური ვიზიტით ჩადის. ლავროვი აფხაზეთში რუსეთის საელჩოს ახალი შენობის გახსნაში მონაწილეობას მიიღებს. 19 აპრილს კი ლავროვი საოკუპაციო რეჟიმის ე.წ პრეზიდენტსა და საგარეო საქმეთა მინისტრს შეხვდება. ვიზიტისას განიხილება ოკუპირებულ აფხაზეთსა და რუსეთს შორის ურთიერთობები.
