IDFI-ს რეკომენდაციები ანტიკორუფციული ვითარების გასაჯანსაღებლად - არასამთავრობო ორგანიზაცია იუსტიციის სამინისტროს ანალიტიკურ დეპარტამენტში ანტიკორუფციული სამმართველოს შექმნას სთავაზობს.
რეკომენდაციები ასევე გულისხმობს ინფრასტრუქტურულ პროექტებში კორუფციის პრევენციას.
ინფორმაციის თავისუფლების განვითარების ინსტიტუტის რეკომენდაციები 2017-2018 წლების ანტიკორუფციულ სამოქმედო გეგმას ეხება, რომელზეც იუსტიციის სამინისტრო მუშაობს. უწყება დოკუმენტის ანტიკორუფციული საბჭოსთვის წარდგენას აპრილში გეგმავს.
„ჩვენი რეკომენდაციები არის ძალიან ფართე, მოიცავს ანტიკორუფციული სამოქმედო გეგმის 15-ვე პრიორიტეტს და ითვალისწინებს იმ საერთაშორისო ორგანიზაციების რეკომენდაციებს, რომელიც საქართველოსთვის იყო გამოცემული. კერძოდ, ეს რეკომენდაციები ეხება სასამართლოსთან მიმართებაში კორუფციული თემის გაუმჯობესებას. ეს ეხება პარლამენტთან დაკავშირებით ღიაობის და ანგარიშვალდებულების გაუმჯობესებას და ეს ასევე ეხება აღმასრულებელი ხელისუფლების სხვადასხვა რგოლში კორუფციის პრევენციასთან დაკავშირებულ ღონისძიებებს,“ - განაცხადა საბა ბუაძემ.
