პარლამენტის ვიცე-სპიკერ ზვიად ძიძიგურის განცხადებით, თუკი, ქორწინების თაობაზე საკონსტიტუციო ცვლილებები კენჭისყრაზე ვერ დადგება, ცვლილებების ავტორებმა შეიძლება რეფერენდუმის ორგანიზება მოახდინონ.
პარლამენტის სხდომაზე ცვლილებების განხილვისას ძიძიგურმა განაცხადა, რომ საქართველოს მოსახლეობის აბსოლიტური უმრავლესობის მხრიდან ამ თემაზე კითხვები არ არის, თუმცა ცალკეული არასამთავრობები და დეპუტატები ამბობენ, რომ ეს საკითხი მათში კითხვის ნიშანს იწვევს.
,,მათი პოზიცია ვნახეთ, როცა საპარლამენტო საქმიანობაში მონაწილეობაზე უარი თქვეს და აქედან გამომდინარე, კენჭისყრაში მონაწილეობის მიღებაზეც. ამ საკითხთან მიმართებაში ეს კონკრეტული პასუხია, ისინი მხარს უჭერენ თუ არა ერთსქესიანთა ქორწინებას ქვეყანაში. მათი მხრიდან ირიბი, მაგრამ ნათელი პასუხი იქნა მიღებული“, - აღნიშნა ზვიად ძიძიგურმა პლენარულ სესიაზე.
როგორც ზვიად ძიძიგურმა აღნიშნაშა, საკითხი სავარაუდოდ კენჭისყრაზე ვერ დადგება და ვინც ამ პროექტის ინიციატორია, იმაზე იფიქრებს, მოახდინოს თუ არა რეფერენდუმის ორგანიზება და ამ მიმართულებით გადადგამენ თუ არა ნაბიჯს.
საკანონმდებლო ცვლილევის პროექტს პარლამენტი დღეს პირველი მოსმენით განიხილავს.