იუსტიციის მინისტრი მთავარი პროკურორის პოზიციაზე კანდიდატურის შესარჩევად კონსულტაციებს იწყებს. თეა წულუკიანი მიმართავს ყველა დაინტერესებულ პირს, რომ მზად არის მოისმინოს მოსაზრებები აღნიშნულ საკითხზე.
"მინდა მივმართო აკადემიურ წრეებს, სამოქალაქო საზოგადოებას, ყველა დაინტერესებულ პირს და ვუთხრა, რომ "პროკურატურის შესახებ" კანონში შეტანილი ცვლილებების შესაბამისად, საქართველოს იუსტიციის მინისტრი იწყებს კონსულტაციებს მთავარი პროკურორის პოზიციაზე კანდიდატურის შესარჩევად. იუსტიციის სამინისტროს და იუსტიციის მინისტრის კარი ღია ყველასთვის, ვისაც აქვს ამ თემაზე მოსაზრება. ერთადერთი მოთხოვნა იქნებოდა ის, რომ წარმოდგენილი კანდიდატი აკმაყოფილებდეს კანონით დადგენილ კრიტერიუმებს. კონსულტაციები გახსნილია, ჩვენი კარი ღიაა მოსაზრებებისთვის", - განაცხადა ჟურნალისტებთან თეა წულუკიანმა.