სწრაფი გადახდის ბიზნესში არსებული პრობლემების მოგვარებაში სებ-ი აქტიურადაა ჩართული. როგორც სებ-ის პრეზიდენტმა გიორგი ქადაგიძემ აღნიშნა, ფრთხილობს რათა დაწყებულ მოლაპარაკებებს ხელი არ შეუშალოს და საბოლოოდ ფინანსურად ძლიერმა მოთამაშემ სუსტი არ დაჩაგროს.
„სწრაფი გადახდის აპარატების თემაზე ჩვენ გვქონდა შეხვედრები სექტორის მონაწილეებთან, როგორც საბანკო სექტორთან, ისე რეგულატორთან, მობილურ ოპერატორთან და მათ ჩვენი პოზიცია გავაცანით. ახლა, ამ ეტაპზე ველოდებით, იქნება თუ არა პროგრესი მოლაპარაკებებში და უკვე ამ ყველაფერს საჯაროდ გამოვიტანთ. ჩვენ აქტიურად ჩავერთვებით იმ პროცესში, რომ ერთის მხრივ, ფინანსურად ძლიერმა მოთამაშემ არაერთიკური სტანდარტების გამოყენებით არ დაჩაგროს სუსტი, ეს იქნება ჩვენი პოზიცია და რეალურად არ მინდა ხელი შევუშალო იმ მოლაპარაკებებს, რომელიც ახლა მიმდინარეობს", - განაცხადა ქადაგიძემ.
შეგახსენებთ, რომ ცოტახნის უკან სწრაფი გადახდების ბიზნესის ცალკეულმა მოთამაშეებმა ეროვნული ბანკი უნიათო პოლიტიკის წარმოებაში დაადანაშაულეს, რის შედეგადაც კარტერული გარიგებებითა და კორუფციული ქმედებებით საგადასახადო ბაზარზე მონოპოლური სქემა შეიქმნა.
„ამან ჩვენი კომპანიები (რომელთა საერთო რიცხვი 2 000-ზე მეტია, ხოლო დასაქმებულია და შემოსავალს იღებს 10 000-ზე მეტი ადამიანი) გაკოტრებისა და სამუშაო ადგილების დაკარგვის საფრთხის წინაშე დააყენა. სხვადასხვა მაქინაციის საშუალებით ჯერ ''საქართველოს ბანკმა'' ხელში ჩაიგდო თბილისის საზოგადოებრივი ტრანსპორტის (მეტროპოლიტენი, ავტობუსები და მიკროავტობუსები) გადახდები და მილიონობით ლარს ექსკლუზიურად იღებს. ამ სქემაში იგი სპეციალურად შექმნილი შვილობილო კომპანიების საშუალებით მონაწილეობს. 2006 წელს გამოცხადებული ტენდერი მოგებული აქვთ კომპანიებს, რომლებიც 2007 წელს შეიქმნა.
''საქართველოს ბანკი'' გადასახადის გადამხდელების მიერ გადახილი მილიონობით ლარს მისი კონკურეტნების საწინაამღდეგოდ კანონგარეშედ იყენებს. ბანკის მიერ ნულოვანი საკომისიო დაწესებულია მხოლოდ გადახდის ტერმინალებზე და მომხმარებლის მოტყუებაა, როცა აცხადებენ, რომ ერთი უდრის ერთს. ამ ქმედებებს წინ უსწრებდა მის მეირ ''ნოვა ტექნოლოჯის'' მითვისების უამრავი მცდელობა აქციათა საეჭვო ვითარებაში შეძენის, კომპანიის გენერალური დირექტორის და სხვა მენეჯერების გადაბირების, ასევე საბანკო მომსახურეობაზე კაბალური პირობების დაწესების ჩათვლით.
ბოლო პერიოდში ამ ყველაფერს დაერთო ''თი-ბი-სი'' ბანკის გადაწყვეტილებაც, რომელიც ასევე დემპინგური ფასებით აპირებს რეგიონების ათვისებას. პრაქტიკულად, ქვეყნის 2-მა უმსხილესმა ბანკმა საქართველოს მთელი ტერიტორია გადაინაწილა და ჩვენი ბიზნესის არსებობისათვის პრაქტიკულად ადგილი არ დატოვა. ეს რომ კანონიერი და სამართლიანი გზით კეთდებოდეს, ჩვენ ხმას არ ამოვიღებდით. მაგრამ ის რომ კანონი უხეშად ირღვევა რომ ხდება, გვაიძულა ქუჩაში გამოვსულიყავით.
ბაზარზე არსებული უმძიმესი მდგომარეობის შესახებ ბანკების მიერ წართმეული ბიზნესის წარმომადგენლებმა მთავრობას არაერთხელ მივმართეთ. მათმა უყურადღებობამ გვაიძულა დღეს ქუჩაში გამოვსულიყავით. ამ აქციით კიდევ ერთხელ და საჯაროდ ვაფიქსირებთ რომ ჩვენ მზარდ ვართ დიალოგისთვის და ვითხოვთ მთავრობის მხრიდან უსწრაფეს რეაგირებას. წინააღმდეგ შემთხვევაში 10 ათასი ადამიანი შემოსავლის დაკარგავს. ეს კი მძიმედ დააწვება ისედაც გართულებულ სოციალურ მდგომარეობას"- ნათქვამია სწრაფი გადახდების კომპანიების მიერ რამდენიმე კვირის უკან გავრცელებულ ერთობლივ განცხადებაში.
