უკრაინის პრეზიდენტი ვოლოდიმირ ზელენსკი სტამბოლში მსოფლიო პატრიარქ ბართლომეს შეხვდა.
შეხვედრისას აშშ-ის მხარესთან სამშვიდობო პროცესის ფარგლებში მიმდინარე კონტაქტები და ოლეშკში ჩატარებული ჰუმანიტარული ოპერაცია განიხილეს.
ზელენსკის განცხადებით, მან პატრიარქს უკრაინაში არსებული ვითარების შესახებ მიაწოდა ინფორმაცია, მათ შორის, რუსეთის მიერ ქვეყნის ენერგეტიკულ ინფრასტრუქტურაზე განხორციელებული მუდმივი დარტყმების შესახებ.
„მოვუყევი ჩვენს პარტნიორებთან ერთად მშვიდობის მისაღწევად გაწეული მუშაობის, კერძოდ, ამერიკულ მხარესთან კონტაქტების შესახებ. რა თქმა უნდა, ვაცნობე უკრაინაში არსებული ვითარების, რუსეთის მუდმივი დარტყმების შესახებ ჩვენს ენერგეტიკულ ინფრასტრუქტურაზე და ყველაფერზე, რაც ადამიანების ნორმალური ცხოვრებისთვის არის აუცილებელი.
ვისაუბრეთ ჩვენს დროებით ოკუპირებულ ოლეშკიში ჩატარებულ ჰუმანიტარულ ოპერაციაზე, რომლის შედეგადაც ადამიანების გადარჩენა მოხერხდა. ეს ძალიან მნიშვნელოვანი შედეგია და ვიმედოვნებთ, რომ მსოფლიო რუსეთზე ზეწოლას მოახდენს, რათა დეესკალაციისკენ მიმართული მსგავსი ნაბიჯები გაფართოვდეს“, - განაცხადა ზელენსკიმ.
უკრაინის პრეზიდენტმა მსოფლიო პატრიარქს თანმიმდევრული საჯარო პოზიციისთვის, უკრაინის მხარდაჭერისა და ქვეყანაში მშვიდობისთვის მუდმივი ლოცვისთვის მადლობა გადაუხადა.
