აღმოსავლეთ-დასავლეთის ჩქაროსნული ავტომაგისტრალისა და ბაქო-თბილისი-ყარსის ახალი სარკინიგზო ხაზის მშენებლობის დასრულებას, მთავრობა პრიორიტეტს მიანიჭებს, აღნიშნულის შესახებ განცხადება პარლამენტში სიტყვით გამოსვლისას პრემიერ-მინისტრობის კანდიდატმა ირაკლი ღარიბაშვილმა გააკეთა.
"მთავრობა პრიორიტეტს მიანიჭებს აღმოსავლეთ-დასავლეთის ჩქაროსნული ავტომაგისტრალისა და ბაქო-თბილისი-ყარსის ახალი სარკინიგზო ხაზის მშენებლობის დასრულებას, ქუთაისის საერთაშორისო აეროპორტის განვითარებას და ანაკლიის ღრმაწყლოვანი ნავსადგურის პროექტის განხორციელებას. ინფრასტრუქტურული პროექტების განხორციელება გამოიწვევს როგორც დროებითი, ისე გრძელვადიანი სტაბილური სამუშაო ადგილების შექმნას.
ამოქმედდება ევროგაერთიანებასა და საქართველოს შორის ერთიანი საჰაერო სივრცის შესახებ შეთანხმება, რაც ხელს შეუწყობს საქართველოს საავიაციო სივრცის ევროპის ერთიან საჰაერო სივრცეში ინტეგრაციას"- განაცხადა ღარიბაშვილმა.
