დღეს, 15 ნოემბერს ფიზიკურ პირთათვის ქონების გადასახადის გადახდის ვადა ამოიწურება.
ფიზიკური პირი ქონებაზე და მიწაზე ქონების გადასახადს იხდის არა უგვიანეს კალენდარული წლის 15 ნოემბრისა.
საგადასახადო კოდექსის 205-ე მუხლის თანახმად, ფიზიკური პირის ქონების გადასახადს წარდგენილი დეკლარაციის საფუძველზე გამოიანგარიშებს საგადასახადო ორგანო.
გადამხდელს გადასახდელი თანხის შესახებ საგადასახადო მოთხოვნა ელექტრონული მომსახურების პირად გვერდზე ეგზავნება.
საგადასახადო კანონმდებლობით დადგენილ ვადაში თანხის გადაუხდელობისათვის, ფიზიკურ პირს დაეკისრება სანქცია საურავის სახით.
