საქართველოს პრეზიდენტის მიხეილ სააკაშვილის განცხადებით, 2011 წლიდან ქართული საშუალო განათლების ატესტატს ევროპული უმაღლესი სასწავლებლები აღიარებენ.
"ჩვენი ამოცანაა, რომ 2011 წლიდან ქართული საშუალო განათლების ატესტატი ევროპულმა უმაღლესმა სასწავლებმა აღიაროს. საქართველო წელს იუნესკოს ვიცე-პრეზიდენტი ქვეყანაა, რაც ნიშნავს, რომ ჩვენი განათლების სისტემა საერთაშორისო სტანდარტებისკენ ისწრაფვის~, - განაცხადა სააკაშვილმა ბათუმში, თურქული სკოლის გახსნაზე.
მისივე თქმით, საქართველოს ხელისუფლება განათლების კუთხით დაწყებულ რეფორმის პროცესს ბოლომდე მიიყვანს და უმაღლესის სასწავლებების საერთაშორისო განათლების სისტემაში ინტეგრირებას მოახდენს.
პრეზიდენტის შეფასებით, ამ ეტაპზე მთავარი ამოცანა ბავშვებია, რომელთაც მსოფლიო დონეზე წარმატების მიღწევაში ხელი უნდა შეეწყოთ.
~ჩვენი მთავარი ამოცანა საქართველოს განათლებს სისტემის მსოფლიოს სისტემაში ინტეგრირებაა. დღეს ჩვენ თურქული სკოლა გავხსენით, საქართველოში ასევე არის ფრანგული და ამერიკული სკოლები. უახლოეს მომავალში დიდი გერმანული სკოლაც შეიქმნება. დღისთვის არის სკოლები, რომლებიც ისეთ განათლებას იძლევა, რომ უცხოეთის უმაღლეს სასწავლებლებში პირდაპირ იღებენ. თუმცა, მე არ მინდა, რომ განათლება მხოლოდ ელიტის რაღაც ნაწილის პრივილეგია იყოს. ის ხელმისაწვდომი უნდა იყოს ყველასთვის~, - აღნიშნა პრეზიდენტმა.