საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა, დავით დარახველიძემ ქ. ბათუმში ე.წ. „ბენზეს" დასახლებაში მიმდინარე სარეაბილიტაციო სამუშაოები დაათვალიერა. პროექტის თანახმად, გათვალისწინებულია ახალაშენებული კორპუსების პირველ სართულზე განთავსებული კომერციული ფართების რეაბილიტაცია და საცხოვრებელ ბინებად გადაკეთება.
შენობაში არის 48 ბინა (16 - ერთ ოთახიანი, და 32 - ორ ოთახიანი ბინა). დევნილთა შესახლება ზემოთხსენებულ ობიექტში გრძელვადიანი განსახლების კრიტერიუმების გათვალისწინებით მოხდება, ხოლო განცხადების შევსება ამ ობიექტზე დაიწყო მიმდინარე წლის 12 სექტემბერს და დასრულდება სექტემბრის ბოლოს. განაცხადების შევსება მიმდინარეობს დევნილთა და განსახლების სამინისტროს რეგიონალურ სამმართველოში.
გარდა ამისა, მინისტრმა მოინახულა დევნილთა და განსახლების სამინისტროს საკუთრებაში გადაცემული 9 ჰა მიწის ნაკვეთი, რომელზეც იგეგმება 27 საცხოვრებელი კორპუსის მშენებლობა. ახალაშენებულ კორპუსებში შესახლდება დაახლოებით 2100 დევნილი ოჯახი. გამარჯვებული კომპანია უკვე გამოვლენილია და ამ ეტაპზე მიმდინარეობს საპროექტო სამუშაოები.