განათლებისა და მეცნიერების მინისტრმა თამარ სანიკიძემ მოსწავლეებს ახალი სასწავლო წლის დაწყება მიულოცა. მინისტრი #47 საჯარო სკოლაში იმყოფებოდა და იმ სიახლეებზე ისაუბრა, რომელიც ახალ სასწავლო წელს განხორციელდა.
,,წელს სიახლეები ბევრი გვაქვს, გვაქვს სახელმძღვანელოები, რომელიც მოსწავლეებს უფასოდ დაურიგდათ, გვაქვს რეაბილიტირებული ინფრასტრუქტურა, სკოლის თანამშრომლებს მომატებული აქვთ ხელფასი, ყველა სკოლაშია ინტერნეტი, განახლდა ბუკები. ასევე არის სიახლეები, რომელიც პროექტის ფაზაშია და რომელსაც წლის განმავლობაში თანმიმდევრულად შევთავაზებთ სკოლებს", _განაცხადა თამარ სანიკიძემ.
