უმცირესობის წევრის, სერგო რატიანის თქმით, უმაღლესი განათლების შესახებ კანონში შესული ცვლილება, რომელიც სახელმწიფო უნივერსიტეტების რექტორებს აკადემიური ხარისხის ქონას ავალდებულებს, ჰქონდეს დაცული, თბილისის სახელმწიფო უნივერსიტეტის რექტორის, ალექსანდრე კვიტაშვილის გამო მიიღეს. რატიანის თქმით, რადგან კვიტაშვილი არ არის სრული პროფესორი, სწორედ ამიტომ მიიღეს ეს გადაწყვეტილება, რადგან პრემიერს კვიტაშვილის თავიდან მოშორება დიდი ხანია სურდა.
„მოთხოვნა იმასთან დაკავშირებით, რომ სახელმწიფო უნივერსიტეტების რექტორები პროფესორები იყვნენ, ვფიქრობ, ჩვენს ქვეყანას საბჭოთა დროში დააბრუნებს. კვიტაშვილის გადაწყვეტილება, რომ თანამდებობიდან გადადგა, ვფიქრობ საკმაოდ საინტერესოა, რადგან ის არ დაუტოვებს უფლებას პრემიერ-მინისტრს, თავად დანიშნოს სახელმწიფო უნივერსიტეტის რექტორი. აღნიშნულ თანამდებობაზე აკადმიური საბჭო შეარჩევს შესაბამის კანდიდატს, რომელიც კანონის მოთხოვნებს დააკმაყოფილებს, - განაცხადა რატიანმა.