,,უმაღლესი განათლების კანონში" შესატანი ცვლილებები რესტავრაციაა საბჭოთა და პოსტსაბჭოთა კორუმპირებული უმაღლესი განათლების სისტემის", -Gგანაცხადა მიხეილ სააკაშვილმა ავლაბრის რეზიდენციაში პროფესორ-მასწავლებლებთან შეხვედრისას და აღნიშნა, რომ თუ პარლამენტში წარმოდგენილი ცვლილებები ძალაში შევა საქართველო 90-იან წლებში დაბრუნდება.
,,იცით, რომ პარლამენტში იხილება კანონპროექტი, რომელიც თანახმად, ფუნდამენტურად გადაიხედება სახელმწიფო უნივერსიტეტების ავტონომია და ფუნდამენტურად შეიცვლება უნივერსიტეტების მართვის წესი, სახელმწიფო უნივერსიტეტებში კადრების მიღებისა და შერჩევის წესი. ჩვენი სისტემა, რომელიც წინა წლებში იყო, რა თქმა უნდა, სრულყოფილი არ იყო და მას ჰქონდა ბევრი ხარვეზი, მაგრამ ამ სისტემის ერთ-ერთი მთავარი მონაპოვარი იყო საკანონმდებლო დონეზე სულ უფრო მეტად პრაქტიკაში უნივერსიტეტების დამოუკიდებლობა, უნივერსიტეტებში თავისუფალი კონკურენცია, ხარისხის გაზრდა, უნივერსიტეტებში ახალი სტანდარტების დაცვა და საქართველოს სტუდენტების მომზადება საერთაშორისო კონკურენციისთვის, კონკურენტულ გარემოში მოსახვედრად. თუ ჩვენ იმ სახით მივიღებთ ცვლილებებს რომელიც არის საქართველო დაბრუნდება 10, 15 20 წლით უკან და დაბრუნდება 90-იან წლებში. Eეს ცვლილებები, რომელიც არის პარლამენტში ყოველგვარი ზედმეტი განმარტებების გარეშე არის რესტავრაცია საბჭოთა და პოსტსაბჭოთა კორუმპირებული უმაღლესი განათლების სისტემის 21ე- საუკუნის რეალობაში და მცდელობა ამ რესტავრაციის", -განაცხადა მიხეილ სააკაშვილმა
.