,,მიუხედავად იმისა, რომ რუსეთთან გარკვეულ სფეროებში ურთიერთობა დათბობისკენ მიდის, ჩვენ ყოველთვის საქართველოს ინტერესებიდან გამომდინარე ვიმოქმედებთ", _განაცხადა ჟურნალისტებთან საგარეო საქმეთა მინისტრმა მაია ფანჯიკიძემ ვლადიმერ პუტინის განაცხადების კომენტირებისას და კიდევ ერთხელ დაადასტურა, რომ საქართველო სოჭის ოლიმპიადაში მონაწილეობას მიიღებს.
,,ჩვენ რუსეთის მიმართულებით რამდენიმე პოზიტიური ნაბიჯი გადავდგით. ამ ნაბიჯების გადადგმა ახლა არ დაწყებულა. ახლა უკვე კონკრეტული შედეგები აქვს. სოჭის ოლიმპიადასთან დაკავშირებით ვადასტურებ, რომ ჩვენ მივიღებთ მონაწილეობას ოლიმპიადაში. Gგარდა ამისა, ჩვენ ვხედავთ პოტენციალს თანამშრომლობისა, სოჭის ოლიმპიადის უსაფრთხოების კუთხით. რაც შეეხება იმას, რომ რუსეთისთვის არსებობს წითელი ხაზები, საქართველოსთვისაც არსებობს წითელი ხაზები, ამაში არაფერი შეცვლილა. საქართველოსთვის წითელი ხაზები, ეს არის ქვეყნის ოკუპაცია, არის ასევე სამხრეთ ოსეთისა და აფხაზეთის აღიარება როგორც დამოუკიდებელ სახელმწიფოებად. Mმიუხედავად იმისა, რომ ჩვენი ურთიერთობა გარკვეულ სფეროებში დათბობისკენ მიდის, ჩვენ ყოველთვის ვიმოქმედებთ საქართველოს ინტერესებიდან გამომდინარე", -განაცხადა ფანჯიკიძემ.
შეგახსენებთ, რომ ვლადიმერ პუტინმა პოზიტიურად შეაფასა საქართველოს მთავრობის გადაწყვეტილება ოლიმპიადაში მონაწილეობის შესახებ.
"რაც შეეხება საქართველოს ახალი მთავრობის გადაწყვეტილებას ოლიმპიადაში მონაწილეობის შესახებ და სურვილს გადადგან სხვა შემხვედრი ნაბიჯები, ჩვენ ამას ვხედავთ. ჩვენ შეგვიძლია მისი შეფასება. თქვენ ალბათ ხედავთ, რომ ჩვენც იგივეთი ვპასუხობთ", - განაცხადა პუტინმა.
