"რუსი მესაზღვრეები სამხრეთ ოსეთსა და საქართველოს შორის საზღვრის დემარკაციის საკითხებით არიან დაკავებულნი", _ წერს ჟურნალისტი რეჟი ჟანტე სტატიაში და აღნიშნავს:
"იერიში მეთოდურად გრძელდება. რუკებითა და GPS სისტემებით ხელში, რუსი მესაზღვრეები თებერვლიდან დაწყებული რეგიულარულად მართავენ ზღუდებს სამხრეთ ოსეთის ამა თუ იმ დასახლებულ პუნქტში.
მათ უკვე გადაიტანეს სასაზღვრო ბოძები 100-300 მეტრით წინ ადმინისტრაციულ გამყოფი ხაზიდან. ასე, კიდევ რამდენიმე ათეული ჰექტარი მიწა რუსულ კონტროლს დაექვემდებარა", _ ნათქვამია სტატიაში.
ავტორი ასევე აღნიშნავს, რომ ე.წ. სამხრეთ ოსეთის ხელმძღვანელობა აცხადებს, რომ საქმე "საზღვრის დემარკაციას ეხება".
"რუსი მესაზღვრეების თქმით, ისინი ზემდგომი ხელმძღვანელობის ბრძანებას ასრულებენ", _ წერს ჟურნალისტი და ალექსადრე დუგინის მიერ გაკეთებულ განცხადებასაც ეხმიანება.
"გრძელწვერიანმა იდეოლოგმა ვლადიმერ პუტინის გულისათის სასიამოვნო იდეა გაახმოვანა", წერს ჟურნალისტი დუგინის მიერ გაკეთებული განცხადების კომენტირებისას, რომლის დროსაც მან განაცხადა, რომ "თუ საქართველო ევრაზიულ კავშირს შეუერთდება აფხაზეთთან და სამხრეთ ოსეთთან ერთად, მაშინ ევრაზიული პოლიტიკური სივრცის ფარგლებში საზღვრების დემარკაციის საკითხი თავის აქტუალობას დაკარგავს, როგორც ევროპაში, მაგალითად".
"ევრაზიულმა კავშირმა ყოფილი საბჭოთა კავშირის სივრცეში რუსული გავლენის კრისტალიზაცია უნდა მოახდინოს. მასში საქართველოს წევრობა კი იქნება მოსკოვისათვის საუკეთესო საშუალება თბილისის ნატოსთან და ევროკავშირთან დაახლოებას მიაყენოს დარტყმა", _ ნათქვამია სტატიის ბოლოს.