საქართველოს პარლამენტის ვიცე-სპიკერ მანანა კობახიძე პარლამენტის წევრებზე პრემიის სახით რამდენიმე მილიონი ლარის გაცემას უარყოფს. მისი თქმით 2013 წლის იანვრის შემდეგ დეპუტატებს პრემია საერთოდ არ მიუღიათ და მხოლოდ კვარტლის პრემია პარლამენტის აპარატის თანამშრომლებმა მიიღეს.
„დეპუტატებს პრემია არ მიუღიათ. პრემიების თანხების გაცემა ვფიქრობ რომ საკმაოდ არამიზნობირივი იყო, რადგან ჩვენ გვაქვს შესაბამისი ხელფასი და პრემიები დღევანდელ ვითარებაში ვფიქრობ, რომ არც უნდა იცემოდეს. ხოლო აპარატის თანამშრომლებს რაც შეეხებათ მათ აიღეს კვარტლის პრემია, რადგან ისინი წახალისებული უნდა იყვნენ, რომ უკეთ აკეთონ თავიანთი საქმე", - განაცხადა მანანა კობახიძემ.