ბრიუსელში მყოფმა საქართველოს თავდაცვის მინისტრმა ირაკლი ალასანიამ ოფიციალური ვიზიტი შეწყვიტა და ავღანეთში გაემგზავრა. ამის შესახებ ნატოში საქართველოს ელჩი, გეგა მგალობლიშვილი იუწყება.
ელჩის თქმით, იმ დროისთვის, როდესაც ჰელმანდის პროვინციაში განთავსებულ ქართულ სამხედრო ბაზაზე ტერაქტი მოხდა, ალასანიასა და ნატოს გენმდივნის შეხვედრა დასრულებული იყო, თუმცა გენერალური მდივნის მოადგილე თავდაცვის მინისტრს ამ თემაზე ტელეფონით ესაუბრა.
თავდაცვის სამინისტროს ინფორმაციით, თვითმკვლელმა ტერორისტმა ქართულ ბაზასთან სატვირთო მანქანა ააფეთქა, რის შედეგადაც 7 ქართველი სამხედრო დაიღუპა, ხოლო 9 დაიჭრა.