,,კარასინის საკარნახო და გადასაწყვეტი ნამდვილად არაფერი გვჭირს", _განაცხადა ჟურნალისტებთან საპარლამენტო უმცირესობის ლიდერმა დავით ბაქრაძემ გრიგოლი კარასინის განცხადების კომენტირებისას და აღნიშნა, რომ რუსეთმა საერთაშორისო ვალდებულებები უნდა შეასრულოს.
"ოკუპაციის კანონის" გაუქმებას პირველი მივცემ ხმას მაშინ, როდესაც ოკუპაცია დასრულდება და როცა საქართველო გაერთიანდება. მანამდე ჩვენ კარასინის საკარნახო და გადასაწყვეტი ნამდვილად არაფერი გვჭირს. თუ რუსეთს "ოკუპაციის კანონის" გაუქმება უნდა, კეთილი ინებოს, საერთაშორისო ვალდებულებები შეასრულოს, გაიყვანოს საოკუპაციო ჯარი, გადაწიოს უკან ეს მავთულხლართები და მოხსნას საერთოდ ეს საოკუპაციო ზოლი და ამ შემთხვევაში ჩვენ, არა მხოლოდ "ოკუპაციის კანონს" გავაუქმებთ, არამედ სხვა ბევრ ნაბიჯსაც გადავდგამთ რუსეთის მიმართულებით", - განაცხადა ბაქრაძემ.
