,,პირადი ცხოვრების ამსახველ ჩანაწერებთან დაკავშირებით საგამოძიებო ჯგუფი უნდა შეიქმნას", _განაცხადა ,,პირველი რადიოს" პრესკლუბში ,,სოციალ-დემოკრატების" ერთ-ერთი ლიდერი კობა ნარჩემაშვილმა და აღნიშნა, რომ კანონი მსგავსი მონაცემთა ბაზის არსებობას კრძალავს.
"კანონი კრძალავს ამგვარი არქივის ან მონაცემთა ბაზის არსებობას. სხვა მხარე აქვს ამ საკითხის პრაქტიკულ ასპექტს - ვერავინ იქნება გარანტირებული, რომ დავუშვათ დეკლარირებული იქნება და მისი განადგურება მართლაც ჩატარდება, რომ არ არსებობს დღევანდელი კომუნიკაციების პირობებში ამ მასალების დუბლიკატები. ასეთ შემთხვევაში, გამოსავალი ერთია -აუცილებელია სოლიდური საგამოძიებო ჯგუფის შექმნა. მაგრამ ეს იქნება ხანგრძლივი პროცესი. სისხლის სამართალწარმოებაში ეს აპრიორია, რომ ის ხალხი, ვინც ეს ჩანაწერები აწარმოვა, და წვლილი მიუძღვის, უნდა დაისაჯოს"- აცხადებს ნარჩემაშვილი.