"სამწუხაროდ, რუსეთის დიპლომატია ჯერ კიდევ იმ ძველი წიგნებით და იდეოლოგიით ფუნქციონირებს, რომელიც ძალის დემონსტრირებაზეა ორიენტირებული", -განაცხადა ჟურნალისტებთან განათლების მინისტრმა გიორგი მარგველაშვილმა გრიგოლი კარასინის განცხადების კომენტირებისას.
,,ჩვენი ხელისუფლება ძალიან რაციონალურად და ორგანიზებულად შეეცდება, რომ საერთაშორისო ორგანიზაციების ჩართულობით, საერთაშორისო თანამეგობრობის აქტიური ჩარევით, აი, ეს ემოციაზე და ძალაზე ორიენტირებულ საგარეო პოლიტიკას სრულიად მშვიდი და რაციონალური მოთხოვნა დაუპირისპირონ", - განაცხადა მარგველაშვილმა.
შეგახსენებთ, რომ საგარეო საქმეთა მინისტრის მოადგილე გრიგოლი კარასინი ,,ოკუპაციის შესახებ კანონის" გაუქმებას მოითხოვს.
