უმრავლესობის ერთ-ერთი ლიდერის ირაკლი სესიაშვილის განცხადებით, სოციალურ ქსელში ჯიჰადის სახელით გავრცელებული ვიდეოს წარმომავლობის შესწავლაზე შესაბამისი უწყებები მუშაობენ.
როგორც სესიაშვილმა "პრაიმტაიმის" პრესკლუბში დღევანდელ პრესკონფერენციაზე ჟურნალისტებს განუცხადა, ეს ძალიან სენსიტიური თემაა.
"სოციალურ ქსელში გავრცელებული ვიდეო მე არ მაქვს ნანახი, თუმცა ყველა ხვდებით, რომ ეს თემა ძალიან სენსიტიურია. მინდა გითხრათ, რომ შესაბამისი უწყებები მუშაობენ იმაზე, რომ ამ ვიდეოს წარმომავლობა დადგინდეს. თავდაცვის უწყება მზად არის, გაავრცელოს ყველა ის ღონისძიება, რომელიც მსგავს რისკებს შეამცირებს. ჩვენი შეიარაღებული ძალები სრულ მზადყოფნაში არიან. მე პირადად მეჩვენება, რომ ამას პროვოკაციული სუნი უდის. მე მეჩვენება, რომ ეს ვიღაც მესამე ძალის ინტერესშია", - აცხადებს სესიაშვილი და დასძენს, რომ პანიკის საფუძველი არ არსებობს.
მასალის გამოყენების პირობები
