,,რუსეთმა საერთაშორისოდ ნაკისრი ვალდებულებები უნდა შეასრულოს"-განაცხადა ჟურნალისტებთან სახელმწიფო მინისტრმა ევროპულ და ევროატლანტიკურ სტრუქტურებში ინტეგრაციის საკითხებში ალექსი პეტრიაშვილმა გრიგორი კარასინის განცხადების კომენტირებისას.
"საერთაშორისო თანამეგობრობის მოთხოვნაა, რომ რუსეთის შეიარაღებული ძალები გავიდეს იმ პოზიციაზე, რომელზეც 2008 წლის 7 აგვისტომდე იყო. ჩვენი მოთხოვნა ლეგიტიმურია, რასაც მთელი საერთაშორისო თანამეგობრობა მხარს უჭერს. ამ შემთხვევაში ჩემი პასუხი იქნება, რუსეთმა უნდა საერთაშორისოდ ნაკისრი ვალდებულებები უნდა შეასრულოს, რომელიც საქართველოს ტერიტორიებიდან საოკუპაციო ჯარების გაყვანას მოითხოვს", - განაცხადა პეტრიაშვილმა.
შეგახსენებთ, რომ საგარეო საქმეთა მინისტრის მოადგილე გრიგორი კარასინი ,,ოკუპაციის შესახებ კანონის"გაუქმებას მოითხოვს.
