,,ვანო მერაბიშვილი თუ ,,პატიმრობის კოდექსის" შესაბამისად მოიქცევა, არა მხოლოდ ტელევიზორს, არამედ რადიომიმღებსაც მისცემენ", _განაცხადა ჟურნალისტებთან იუსტიციის მინისტრმა თეა წულუკიანმა ევროპარლამენტარის კჟიშტოფ ლისეკის განაცხადების კომენტირებისას.
,,დღეს ჩვენ გვყავს პატიმარი მერაბიშვილი, რომელიც შესანიშნავ პირობებში ზის ეს თავად ბატონმა ლისეკმა განაცხადა და მას ერთადერთი პრობლემა როგორ ჩანს არ აქვს ტელევიზორი. თუ ის იზოლატორში რომელშიც ზის მოიქცევა ისე როგორც ამას ,,პატიმრობის კოდექსი" ითვალისწინებს მაშინ წახალისების მიზნით, რა თქმა უნდა, ასე წერია კოდექსში სასჯელაღსრულების დეპარტამენტი, რომელსაც ჰყავს ყველაზე კარგი ხელმძღვანელი, რომელიც არ ჰყოლია საქართველოს დამოუკიდებლობის შემდეგ მას არა მხოლოდ ტელევიზორს, არამედ რადიომიმღებსაც მისცემენ", _განაცხადა წულუკიანმა და აღნიშნა, რომ ქვეყანაში ხდება გაცილებით უფრო მნიშვნელოვანი მოვლენები ვიდრე ვიდრე ვანო მერაბიშვილის ციხეში ყოფნაა.
,,თუმცა ის არის დღეს ჩვეულებრივი პატიმარი და მისი ყველა უფლება უნდა იქნეს დაცული, რაც წერია ,,პატიმრობის შესახებ" კოდექსში. ბევრ ევროპულ ქვეყანას არ აქვს ,,პატიმრობის კოდექსი", საქართველოს ეს კოდექსი ,,ნაციონალურმა მოძრაობამ" დაუტოვა და ყველა ის უფლება რაც ,,ნაციონალური მოძრაობის" მიერ ჩვენთვის დატოვებულ პატიმრობის კოდექსი წერია იქნება დაცული მერაბიშვილის მიმართ და ყველა იმ პატიმრის მიმართ, ვინ საქართველოს ციხეებში ზის.
შეგახსენებთ, რომ ევროპარლამენტის დეპუტატი კჟიშტოფ ლისეკი ვანო მერაბიშვილის მონახულების შემდეგ გაკვირვებული იყო, რომ ,,ნაციონალური მოძრაობის" გენერალურ მდივანს არ ჰქონდა ტელევიზორი და შესაძლებლობა ოჯახის წევრებთან ურთიერთობის.
