,,მნიშვნელოვანია ჟურნალისტებს ჰქონდეთ სრულფასოვანი ინფორმაცია როგორც ევროკავშირის, ასევე ნატო-ს მიმართულებით მიმდინარე პროცესებზე", _განაცხადა ჟურნალისტებთან სახელმწიფო მინისტრმა ევროპულ და ევროატლანტიკურ სტრუქტურებში ინტეგრაციის საკითხში ალექსი პეტრიაშვილმა, რომელიც ,,ჰოლიდეი იინში", _მიმდინარე ჟურნალისტებისთვის ნატოს საზაფხულო სემინარს ესწრება.
"საქართველოს ხელისუფლებისთვის, საზოგადოებისთვისაც უაღრესად მნიშვნელოვანია, რომ ჟურნალისტები იყვნენ ზედმიწევნით კარგად საქმის კურსში მოვლენების განვითარებაზე, ჰქონდეთ სრულფასოვანი ინფორმაცია როგორც ევროკავშირის, ასევე ნატო-ს მიმართულებით მიმდინარე პროცესებზე. ამ თვალსაზრისით მზად ვართ შეძლებისდაგვარად გულწრფელად გაგიზიაროთ ეს ინფორმაცია თქვენ, რათა მომავალში ეფექტურად გამოიყენოთ ეს ინფორმაცია თქვენი საქმიანობისთვის", - განაცხადა პეტრიაშვილმა, რომელიც სემინარის დასრულების შემდეგ ჟურნალისტებს სერტიფიკატებს გადასცემს.
შეგახსენებთ, რომ სემინარი ნატოს კვირეულის ფარგლებში უკვე მეოთხედ ტარდება. Mას არასამთავრობო ორგანიზაცია ,,ინტეგრაცია-გზა ნატოსა და ევროკავშირისკენ" ატარებს.
