წყალტუბოს საკრებულოს მუნიციპალიტეტის დეპუტატები საკრებულოს თავმჯდომარის იმპიჩმენტისთვის ემზადებიან. რიგგარეშე სხდომა მუნიციპალიტეტის საკრებულოში დღის 14:00 საათზეა ჩანიშნული. საკრებულოს თავმჯდომარის მამუკა ზაღარეიშვილის თქმით, მისი თანამდებობიდან გადაყენებას ნაციონალური მოძრაობის ყოფილი დეპუტატები ცდილობენ.
„ამ ადამიანებმა დატოვეს ნაციონალური მოძრაობის რიგები და ქართულ ოცნებაში გადავიდნენ. მაგრამ ოცნებამ ისინი არ მიიღო თავის რიგებში, თუმცა მაინც ქართული ოცნების სახელით მოქმედებენ. საკრებულოს თავმჯდომარეობა ქვიტირისა და გეგუთის მაჟორიტარებს უნდათ", - განაცხადა მამუკა ზაღარეიშვილმა.
ცნობისთვის, წყალტუბოს საკრებულოში არჩევნებამდე ნაციონალურ მოძრაობას 21 დეპუტატი წარმოადგენდა, ახლა კი მათ რაოდენობას 9 წარმოადგენს.