ევროკავშირი და გაეროს სურსათისა და სოფლის მეურნეობის ორგანიზაცია (FAO) აცხადებენ ახალ სამწლიანი პროექტს, რომელიც უზრუნველყოფს ტექნიკურ დახმარებას საქართველოს სოფლის მეურნეობის სამინისტროსათვის.
2 მილიონი ევროს დაფინანსება გააუმჯობესებს საქართველოს სოფლის მეურნეობის სექტორის კონკურენტუნარიანობას ეფექტური პოლიტიკის შემუშავების გზით. კერძოდ, გაუმჯობესდება საქართველოს სოფლის მეურნეობის სამინისტროს მიერ სოფლის მეურნეობის განვითარების სტრატეგიის განხორციელების ეფექტურობა. პროექტის ფარგლებში განხორციელებული ზოგიერთი საქმიანობის მიზანი იქნება მაღალკვალიფიციური საერთაშორისო ექსპერტების ჩამოყვანა, რომლებიც ხელს შეუწყობენ სამინისტროს ისეთ საკითხებში, როგორიცA მცირე ფერმერებში კოოპერაციის ფორმების პოპულარიზაცია, მცირე ფერმერებისთვის საკონსულტაციო მომსახურების გაუმჯობესება და უკეთესი სოფლის მეურნეობის სტატისტიკის შემდეგი განვითარება. პროექტი ასევე ხელს შეუწყობს სამინისტროში პოლიტიკის შემუშავების განყოფილების ჩამოყალიბებას.
ინიციატივა არის ნაწილი ევროპის სამეზობლოს სოფლის მეურნეობისა და სოფლის განვითარების პროგრამის (ENPARD), რომლის ფარგლებშიც ევროკავშირი ეხმარება ინკლუზიურ ზრდასა და სტაბილურობას თავის სამეზობლოში და მხარს უჭერს სოფლის მეურნეობას, როგორც სასურსათო უსაფრთხოების, მდგრადი წარმოებისა და სოფლად დასაქმების საფუძველს.
ENPARD-ის პროგრამა საქართველოში 2013 წლიდან მოქმედებს და მის ფარგლებში მთლიანობაში გათვალისწინებულია 40 მილიონი ევრო, რაც სურსათის წარმოების გაზრდას და სოფლად სიღარიბის შემცირებას ისახავს მიზნად.