Georgian Airways-ის მიერ დაგეგმილი ახალი რეისი, თბილისი-ქუთაისი და ქუთაისი-თბილისი, რომელიც კვირაში ოთხჯერ შესრულებდა და ამისთვის 20 წუთი არის საჭირო, საპარლამენტო უმცირესობა დადებითად აფასებს. დეპუტატ დავით საყვარელიძის თქმით აღნიშნული მოლაპარაკებები ჯერ კიდევ ნაციონალური მოძრაობის დროს იყო დაწყებული და მიესალმება, რომ უმრავლესობამ მათ მიერ დაწყებული საქმე განაგრძო.
„მისასალმებელია, რომ ჩვენ მიერ წამოწყებული პროექტი ხელისუფლებამ დაასრულა. აღნიშნული ფრენები ხელს შეუწყობს დასავლეთ და აღმოსავლეთ საქართველოს მეტ ინტეგრირებას. ნაციონალური მოძრაობის სახელით მიხარია, რომ მათ ეს გადაწყვეტილება მიიღეს, რადგან ვფიქრობ რომ აღნიშნული ქმედებით საპარლამენტო უმრავლესობა ერთხელ და სამუდამოდ მიხვდნენ, რომ პარლამენტის ადგილი არის ქუთაისში და ამ ფრენებით ისინი მგზავრობას გაიადვილებენ", - განაცხადა დავით საყვარელიძემ.
ცნობისთვის Georgian Airways-ის მიერ ფრენები დღეიდან დაიწყო და ის კვირაში ოთხჯერ შეასრულებს აღნიშნულ გადაფრენას.