"ისრაელის პოზიცია არის უცვლელი - ირანი წარმოადგენს საფრთხეს ისრაელის არსებობისთვის და ასევე წარმოდგენს საფრთხეს მთელი მსოფლიოს უსაფრთხოებისთვის. თუ ირანს ექნება ატომური ბომბი სხვებიც მიბაძავენ მას და მაშინ ჩვენ რა დღეში აღმოვჩნდებით? არა მხოლოდ ჩვენ - ისრაელი, მსოფლიოს დანარჩენი ნაწილი და დღეში აღმოჩნდება? წითელი ხაზი არის წითელი ხაზი და თუ ამ წითელ ხაზს მიაღწევს ირანი, უშუალოდ ბომბის დამზადებამდე ერთი ნაბიჯიღა იქნება. მოგეხსენებათ, რომ ატომური ბომბის შექმნას სჭირდება 220-დან 230 კილოგრამდე გამდიდრებული ურანი. ატომური ენერგიის საერთაშორისო სააგენტოს განცხადებით, ამჟამად ირანს აქვს 167 დან 170 კილოგრამამდე გამდიდრებული ურანი და მუშაობას განაგრძობენ", - განაცხადა ელჩმა.

იუვალ ფუქსის თქმით, ირანის ბირთვული პროგრამა არის ძალიან სახიფათო.

"ეს არის ძალიან სახიფათო. რამდენიმე წლის განმავლობაში ირანი ჩუმად მუშაობს, რაღაცას მალავს, იტყუება. მოგეხსენებთ, არსებობოს გაეროს უშიშროების საბჭოს და ატომური ენერგის საერთაშორისო სააგენტოს რამდენიმე რეზოლუცია, რომ ირანი აიძულონ შეწყვიტოს ატომურ იარაღზე მუშაობა და შეაჩეროს ეს პროგრამა. ჯერჯერობით ამას შედეგი არ მოჰყოლია. ამიტომ მიგვაჩნია, რომ უფრო მეტი საერთაშორისო წნეხია საჭირო ირანის წინააღმდეგ, რომ ეს პროგრამა გაჩერდეს", - განაცხადა ელჩმა.

იუვალ ფუქსმა აღნიშნა, რომ აშშ-ის პრეზიდენტის პოზიცით, არ უნდა იქნას დაშვებული, რომ ირანმა შეძლოს ზემოთ აღნიშნული წითელი ხაზის გადაკვეთა

"პრეზიდენტმა ობამამ არაერთხელ ხაზგასმით აღნიშნა, რომ არ შეიძლება ირანი იყოს ატომური იარაღის მქონე ქვეყანა. მეტიც ირანს არა თუ არ უნდა ჰქონდეს ატომური იარაღი, არამედ არ უნდა იქნას დაშვებული, რომ ირანმა შეძლოს ზემოთ აღნიშნული წითელი ხაზის გადაკვეთა. იმიტომ რომ თუ ბოლოს და ბოლოს იმ წითელ ხაზს გადავა ირანი, მერე მასზე იქნება დამოკიდებული შექმნას ატომური ბომბი თუ არა. ესეც კი არ უნდა იქნას დაშვებული იმდენად, რამდენადაც ტექნოლოგია თუ აქვს, უკან არავინ დაიხევს. ძალიან მარტივია ამის შემდეგ თვითონ ბომბის შექმნა. ამიტომაც მოვუწოდებთ საერთაშორისო საზოგადოებას, რომ უფრო მეტი წნეხი იყოს ირანის ბირთვული პროგრამის წინააღმდეგ", - განაცხადა ელჩმა.