,,ლიბერალური სავიზო რეჟიმი გადაიხედება", _განაცხადა ჟურნალისტებთან იუსტიციის მინისტრმა თეა წულუკიანმა მიგრაციის სამთავრობო კომისიის სხდომის დასრულების შემდეგ და აღნიშნა, რომ ხელისუფლებას მკაფიო მიდგომა ექნება უცხოელებისადმი და მათი სამართლებრივი მდგომარეობისადმი.
"ჩვენ გვექნება მკაფიო მიდგომა უცხოელებისადმი და მათი სამართლებრივი მდგომარეობისადმი, როდესაც ისინი შემოდიან და სხვადასხვა მიზნით რჩებიან საქართველოში. გადაიხედება ვიზების კატეგორიები, განახლდება, შეიცვლება და შინაარსობრივად ხელახლა იქნება გააზრებული. გადაიხედება ლიბერალური სავიზო რეჟიმიც, რაც აქამდე ჰქონდა საქართველოს", - განაცხადა თეა წულუკიანმა.