პარლამენტის თავმჯდომარემ დავით უსუფაშვილმა საპარლამენტო უმრავლესობის ერთ-ერთ წევრს კობა დავითაშვილს, სესიაზე სიტყვა გააწყვეტინა. კობა დავითაშვილმა კენჭის ყრის დროს დავით უსუფაშვილს სიტყვით გამოსვლა სთხოვა, რაზეც უსუფაშვილი დათანხმდა, თუმცა დავითაშვილმა თავისი სიტყვით გამოსვლა პროკურატურის დღის მილოცვით დაიწყო, რაზეც პარლამენტის თავმჯდომარემ დავითაშვილს მიკროფონი გამოურთო.
„პროკურატურას როგორც საპარლამენტო უმრავლესობა, ასევე მეც პარლმანეტის თავმჯდომარე და მთელი საქართველო პროკურატურის დღეს ულოცავს, თუმცა კენჭის ყრის დროს ეს მილოცვა უადგილოა", - განაცხადა დავით უსუფაშვილმა.