2014 წლის ადგილობრივი თვითმართველობის არჩევნებზე შესაძლოა ამომრჩევლეთა საარჩევნო კაბინა ფარდის გარეშე იყოს. ამის შესახებ ინტერფრაქციული ჯგუფის სამუშაო შეხვედრაზე ცესკოს წარმომადგენლებმა განაცხადეს. მათივე თქმით იმის გამო რომ ამომრჩეველი ზურგით თავად ეფარება კაბინაში ბიულეტენს, რომელზეც არჩევანს აკეთებს, საჭირო არ არის კაბინა ფარდით იყოს დაფარული.
„ცეკოს მოსაზრებაა რომ ამომრჩეველი თავადვე ფარავს ბიულეტენს, რომელზეც არჩევანს აკეთებს, ამიტომ საარჩევნო კაბინას ფარდის ჰქონა აუცილებელი არ არის", - განაცხადა ცეკოს წარმომადგენელმა თამაზ შარმანაშვილმა.
ცესკოს ამ ინიციატივას, არ ეთანხმება საპარლამენტო უმრავლესობა და არასაპარლამენტო ოპოზიცია. მათი განცხადებით ამომრჩევლებმა საკუთარი არჩევანი ოთხივე მხრიდან ფარდით დაფარულ კაბინაში უნდა გააკეთონ.