დღეს, 29 მაისს, საქართველოს პარლამენტის სხდომა გაიმართება.
პარლამენტის საპროცედურო საკითხთა კომიტეტის თავმჯდომარის ირინა იმერლიშვილის განცხადებით, იმის გამო რომ მთავრობიდან პარლამენტში დაჩქარებული წესით განსახილველად ბევრი საკანონმდებლო ინიციატივაა შესული, პლენარული სხდომები ყოვედღეა ჩანიშული.
" დილიდან საკომიტეტო მოსმენები გაიმართება. საკმაოდ ბევრი ინიციატივაა შემოსული მთავრობიდან დაჩქარებული წესით განსახილველად, რაზეც ბიუროს თანხმობა არის. დღის პირველ ნახევარში თავდაცვისა და უშიშროების კომიტეტის სხდომაა ჩანიშული. ასევე, გარემოს დაცვის კომიტეტში რამდენიმე კანონპროექტზე ვიმსჯელებთ. ხოლო პლენარული სხდომა განცხადებებით გაიხსნება. შემდეგ კი გაგრძელდება იმ დღის წესრიგით რომელსაც ბიურო დაეთანხმება. სავარაუდოდ ეს არის გარემოს დაცვის საკითხები, რომელიც დაჩქარებული წესით არის მისაღები", - განაცხადა იმერლიშვილმა.