ევროპის საბჭოს საპარლამენტო ასამბლეის პრეზიდენტის ჟან-კლოდ მინიონის მტკიცებით, მან შიდა ქართლში რუსების მხრიდან საზღვრის გადმოწევის საკითზე ინფორმაცია ჟურნალისტებისგან მიიღო და ამ თემაზე არც პრეზიდენტთან და არც პაატა ზაქარეიშვილთან შეხვედრაზე საუბარი არ ყოფილა.
როგორც მინიონმა ჟურნალისტებს ზაქარეიშვილთან შეხვედრის დასრულების შემდეგ განუცხადა, ეს ისეთი მოვლენებია, რაზეც ისინი რეაგირებას მოახდენენ.
"ეს ინფორმაცია მე არ მქონდა. ახლა თქვენგან გავიგე. აუცილებლად ვისაუბრებ ამ თემაზე იმ მინისტრთან (გიორგი მარგველაშვილთან), რომელსაც ახლა შევხვდები. ეს არის ის მოვლენები, რომელზეც ჩვენ ვერ გავჩერდებით და რეაგირებას მოვახდენთ. შეფასებას ვერ გავაკეთებთ, ვინაიდან ინფორმაცია არ გვაქვს", - განაცხადა მინიონმა და აღნიშნა, რომ თუ ეს ინფორმაცია დადასტურდა, ევროპის საბჭოს საპარლამენტო ასამბლეა ამ ფაქტს დაგმობს და ასევე, ეს საკითხი განხილული იქნება ერევანში მუდმივმოქმედი კომისიის შეხვედრაზე.
მასალის გამოყენების პირობები
