კახეთის გუბერატორის ზურაბ ჭიაბერაშვილის დასახელებას ნაციონალური მოძრაობის საპრეზიდენტო კანდიდატად, საპარლამენტო უმრავლესობა აფასებს. ფრაქცია ქართული ოცნების თავმჯდომარის ზაქარია ქუცნაშვილის თქმით ნაციონალური მოძრაობის პარტიის წევრებზე მერაბიშვილის ზეგავლენა მოქმედებს.
„რადგან მერაბიშვილი საპყრობილეშია, სავარაუდოდ მისი გადაწყვეტილებაა, რომ მისი კაცი ჭიაბერაშვილი იყოს პარტიის პრეზიდენტობის კანდიდატი. ის რომ ჭიაბერაშვილი ვანოს კაცია ეს უკვე ახალი არაა და ყველასათვის ცნობილია. მიუხედავად იმისა, რომ მერაბიშვილი დაკავებულია, ვანოს ვერტიკალი დეპუტატებზე მაინც მოქმედებეს" განაცხადა ზაქარია ქუცნაშვილმა.
ცნობისთვის კახეთის გუბერნატორმა ჭიაბერაშვილმა ჟურნალისტებთან განაცხადა, რომ შესაძლებელია ნაციონალური მოძრაობის პრეზიდენტობის კანდიდატი სწორედ ის გახდეს.
