რუსეთის საგარეო საქმეთა მინისტრის მოადგილე გრიგორი კარასინი ჟენევის საერთაშორისო მოლაპარაკებათა თანათავმჯდომარეებს შეხვდა. ინფორმაციას ამის შესახებ რუსეთის საგარეო უწყება ავრცელებს. ფილიპ ლეფორმა (ევროკავშირი), ანტი ტურუნენმა (გაერო) და ანდრეი დეტიცამ (ეუთო) გრიგორი კარასინთან ჟენევის მოლაპარაკებათა მორიგი რაუნდის დღის წესრიგზე იმსჯელეს.
"ასევე განხილული იქნა მდგომარეობა აფხაზეთისა და სამხრეთის ოსეთის საზღვრებზე საქართველოსთან, ინციდენტების პრევენციისა და მათზე რეაგირების სამუშაო ჯგუფების მუშაობა, საქართველოში ევროკავშირის მისიის საქმიანობა", _ იუწყება რუსეთის საგარეო უწყება.
შეგახსენებთ, რომ ჟენევის საერთაშორისო მოლაპარაკებათა მორიგი რაუნდი 25-26 ივნისს უნდა გაიმართოს.
