მგონია,რომ მერაბიშვილის დაკავება რუსეთის სერიოზული მოთხოვნა იყო, - ამის შესახებ განცხადება იტალიაში საქართველოს ყოფილმა ელჩმა კოტე გაბაშვილმა "პრაიმტაიმის" პრესკლუბში გააკეთა. მისი თქმით, რუსეთის მხრიდან ვანო მერაბიშვილთან ერთად მიხეილ სააკაშვილის პასუხისმგებლობის საკითხის დაყენების მოთხოვნაცაა.
"ვანო მერაბიშვილის დაკავება კომპლექსური მიზეზების გამო მოხდა. ერთს გეტყვით, ვანო მერაბიშვილი იყო შინაგან საქმეთა მინისტრი, რომელმაც რუსეთის სპეცსამსახურებს რამდენიმე მნიშვნელოვანი ოპერაცია ჩაუშალა. მგონია, რომ მისი დაკავება რუსეთის სერიოზული მოთხოვნაა. ამას დაემთხვა „ქართულ ოცნებაში" არსებული რევანშისტული ფრთის სურვილი, რომ "ნაციონალური მოძრაობა" დასუსტდეს. მნიშვნელოვანია მათთვის, რომ ვანო მერაბიშვილი პარტიის ინფრასტრუქტურას ხელმძღვენლობს. რუსეთის ასეთ მოთხოვნები მიზნად ისახავს დასავლური ორიენტაციის მძლავრი ძალის მოსპობას",- განაცხადა კოტე გაბაშვილმა.