"ე.წ. სამართლიანობის აღდგენის პროცესი პოლიტიკური შეტევისთვის გამოიყენება", _განაცხადა ჟურნალისტებთან საპარლამენტო უმცირესობის ლიდერმა დავით ბაქრაძემ დიპლომატებთან შეხვედრის შემდეგ.
,,ის რასაც დღეს ვხედავთ ვფიქრობ, ნათელი სურათია იმის, რომ მიმდინარეობს ფართომასშტაბიანი პოლიტიკური შეტევა ერთი მიმართულებით და სამართალი და ე.წ. სამართლიანობის აღდგენა გამოიყენება ამ პოლიტიკური შეტევისთვის. Aამ პოლიტიკური შეტევის ნაწილი და დაგვირგვინება იქნება პრეზიდენტის წინააღმდეგ დაწყებული კამპანია, რომლის ნიშნებიც უკვე არსებობს. Kკიდევ ერთხელ მინდა ვთქვა ეს არ არის პარტიული თემა, ეს არ არის გულისმოფხანის თემა, ეს შემთხვევა ვანო მერაბიშვილის და, მითუმეტეს, ნებისმიერი შესაძლო პროცედურა და გამოძიება პრეზიდენტის წინააღმდეგ საქართველოს ცუდ მდგომარეობაში ჩააყენებს", _განაცხადა ბაქრაძემ.