ყოფილი პოლიტპატიმარი მელორ ვაჩნაძე "აქტიური საზოგადოებრივი ცხოვრებისგან ტაიმაუტს იღებს. ამის შესახებ ვაჩნაძემ დღეს "პრაიმტაიმის" პრესკლუბში გამართულ პრესკონფერენციაზე განაცხადა.
ვაჩნაძის თქმით, მისი სახელით სპეკულირება ხდება „ნაციონალური მოძრობის" მხრიდან.
"ჩემი მხრიდან არავითარი ჩართულობა არ იქნება, არცერთ საპროტესტო აქციაში არ მივიღებ მონაწილეობას, გადავდივარ ჩრდილში, დამკვირვებლის რანგში შეიძლება მხოლოდ ინეტერსის გამო მივიდე ნებისმიერ აქციაზე. მაგრამ ეს იქნება მხოლოდ ინტერესის დაკმაყოფილებას", -აცხადებს ვაჩნაძე და ხელისუფლებას კიდევ ერთხელ მოუწოდებს რომ დამთავრდეს მისი საქმის შესწავლა.
"მე მოუწოდებ ხელისუფლებას დამთავრდეს ჩემი მოხსენიება კრიმინალად და მოხდეს ნასამართლეობის მოხსნა. თუ საქმის გამოძიების შემდეგ ჩემი ბრალეულობა აღმოჩნდა მზად ვარ თავიდან მოვიხადო ის სასჯელი რასაც ვიხდიდი", -აცხადებს ვაჩნაძე.
მასალის გამოყენების პირობები