ბიძინა ივანიშვილის გუნდის ინფორმაციით, წინა მთავრობამ არამიზნობრივად 923,7 მილიონი ლარი დახარჯა. როგორც ბიძინა ივანიშვილის პრესსამსახურის მიერ გავრცელებულ ბროშურაშია აღნიშნული, რომელიც მედიის წარმომადგენლებს პრემიერ-მინისტრის პრესკონფერენციაზე დაურიგდათ 2011-2012 წლებში პროექტები რომლებიც არ იყო მიმართული არც სოციალური პირობების და არც გრძელვადიანი ეკონომიკური მდგომარეობის გაუმჯობესებაზე დახარჯული იყო 923,7 მლნ ლარი, მათ შორის: ქუთაისში საპარლამენტო კომპლექსის მშნებელობაზე 344 მლნ ლარი, თბილისში რიყეზე ახალი თეატრის მშენებლობაზე 70 მლნ ლარი, ბათუმში ანბანის კოშკის და „ბათუმი თაუერის" მშენებლობაზე 60 - 60 მლნ ლარი. ანაკლიის აკვაპარკის მშენებლობაზე 25,3 მლნ, ხოლო ანაკლიის საფეხმავლო ხიდის - 11,5 მლმ ლარი დაიხარჯა. ანაკლიის ახალი სანაპირო ბულვარისა და ამფითეატრის საზეიმო გახსნა კი 800 ათას ლარამდე დაჯდა. დაბა მესტიაში თამარ მეფის ქანდაკების დადგომისათვის 1,2 მლნ ლარი იყო გადახდილი. ორ წელიწადში მხოლო საახალწლო ღონისძიებებზე 13,5 მლნ ლარი დაიხარჯა.
მასალის გამოყენების პირობები