სეპარატისტული აფხაზეთის ე.წ. მინისტრმა ოთარ ხეციამ გალის, ტყვარჩელისა და ოჩამჩირის რაიონებში მცხოვრები ქართული ეროვნების მოსახლეობისათვის აფხაზეთის ე.წ. მოქალაქის პასპორტების გაცემის შეჩერების ბრძანებას ხელი მოაწერა. ინფორმაციას ამის შესახებ აფხაზური მედია ავრცელებს.
მათივე ინფორმაციით, გამონაკლისი დაშვებულია მხოლოდ სკოლადამთავრებულებისთვის, რომლებიც წელს სასწავლებლებში აბარებენ.
შეგახსენებთ, რომ აფხაზეთში არსებული ოპოზიცია აცხადებს, რომ ქართული მოსახლეობისათვის ე.წ. აფხაზური პასპორტები ე.წ. კანონმდებლობის დარღვევით, მასობრივად რიგდება.