„მომხმარებელი-ჯიმ" „კარფურში" ვადაგასული პროდუქცია აღმოაჩინა. ინტერნეტპორტალის განცხადებით, ერთ-ერთმა მოქალაქემ პროდუქციის შემოწმების თხოვნით მიმართათ, რის შემდეგაც მიმდინარე წლის მაისში ჰიპერმარკეტში უცხოური წარმოების არაქისის კრემის შეძენა მოხდა.
პორტალის მკვლევარების განცხადებით, პროდუქციაზე ქართული წარწერა არ აღმოჩნდა და ეტიკეტზე მხოლოდ გერმანულად იყო მითითებული, რომ პროდუქტი ვარგისი მიმდინარე წლის თებერვლამდე იყო.
„მომხმარებელი-ჯის" განცხადებით, შესაბამისი შეტყობინება "კარფურის" ადმინისტრაციას და სურსათის ეროვნულ სააგენტოსაც გადაეგზავნა. „კარფურიდან" საკითხთან დაკავშირებით განმარტებების მიღება შეუძლებელი აღმოჩნდა.