აშშ-ის ახალი პრეზიდენტის ბარაკ ობამას ოთხჯერ უფრო მეტი საფრთხე ემუქრება ვიდრე მის წინამორბედს ჯორჯ ბუშს. აშშ-ის საიდუმლო სამსახურის მიერ გავრცელებული ინფორმაციით, საფრთხეთა ამგვარ რაოდენობასთან მათ ჯერ არ ჰქონიათ შეხება 144 წლის არსებობის განმავლობაში. ამიტომაც სამსახურმა აღმოაჩინა, რომ მას არ ჰქოფნის ძალა თავის წინაშე მდგარ ამოცანებთან გასამკლავებლად _ ამისათვის სამსახურს არც სახსარი და არც კადრები არ გააჩნია.
ასევე მიიჩნევენ აშშ-ს კონგრესშიც _ იქ მომზადებული ანგარიში, რომელიც მხოლოდ შიდა მოხმარებისთვისაა განკუთვნილი გაზეთ "The Boston Globe"-ს განკარგულებაში მოხვდა. კონგრესმენებს ეჭვი შეეპარათ, რომ საიდუმლო სამსახურს თავის ძირითად ამოცანასთან _ ქვეყნის პირველი პირების უსაფრთხოების დაცვასა და ფინანსურ დანაშაულთან გამკლავება შეუძლიათ.
აღნიშნული ანგარიში კონგრესისათვის განსახილველად აგვისტოში შევიდა. აშშ-ს ადმინისტრაციის წარმომადგენელმა, რომელმაც საკუთარი ვინაობის გამხელისაგან თავი შეიკავა, გაზეთს აცნობა, რომ კონგრესში ამჟამად მუშავდება იდეა, რომლის მიხედვითაც ფინანსურ დანაშაულთან ფინანსთა სამინისტრომ უნდა იბრძოლოს. ეს კი იმისათვის კეთდება, რომ ქვეყნის საიდუმლო სამსახურმა ყველა თავისი რესურსის ერთი მიმართულებით მობილიზება შეძლოს და ეს ერთი და ძირითად მიმართულება _ ქვეყნის პირველი პირების უსაფრთხოების დაცვაა.
აღსანიშნავია, რომ აშშ საიდუმლო სამსახურში ობამასთან დაკავშირებულ საფრთხეებს რასისტებს უკავშირებენ. არასამთავრობო ორგანიზაციათა ნაწლი მიიჩნევს, რომ ბოლო რამდენიმე წლის განმავლობაში აშშ-ში აშკარა რასისტუილი შეხედულებების აღმსარებელი დაჯგუფებების რაოდენობამ 35 % -ით იმატა. მათი აქტიურობა კი თეთრ სახლში ობამას მოსვლის შემდეგ გაიზარდა.
ამჟამად კი აშშ-ს საიდუმლო სამსახურის ყველა ძალა და საშულება მიმართულია იმისაკენ, რომ გადაამოწმონ აშშ-ს პრეზიდენტთან დაკავშირებული საშიშროებები. ამიტომაც მისმა ხელმძღვანელობამ მიიღო გადაწყვეტილება დამატებითი 33 მილიონი დოლარის გამოყოფის თხოვნისდა და ასევე შტატის გაფართოების შესახებ.
