დათა ახალაიას პატიების საკითხი საზოგადოებამ უნდა გადაწყვიტოს. ამის შესახებ საქართველოს პრემიერ მინისტრმა ბიძინა ივანიშვილმა რუსთავი 2-ის გადაცემა პოზიციაში განაცხადა. პრემიერმა აღნიშნა, რომ პირადად მისი დამოკიდებულება არის ღია - პატიება ყველას.
"ჩვენი, ხელისუფლების პოზიცაა ის, რომ რაც შეიძლება მეტი ქართველი დარჩეს ქვეყნის სამსახურში. ყველამ უნდა მოახერხოს, რომ მათი წარსული შეცდომების საფასურად რამე გააკეთონ, რათა საზოგადოებამ შეძლოს პატიება. ჩემი დამოკიდებულება არის ღია - ყველას პატიება, მაგრამ საზოგადოებამ უნდა გადაწყვიტოს. მე პროკურატურის და სასამართლოს საქმიანობაში არ ჩავერევი, მაგრამ როგორც კი საზოგადოებაში მუხტი ჩაქრება, თავისთავად განვითარდება ყველაფერი", - აღნიშნა ბიძინა ივანიშვილმა.
მისივე თქმით, იგი მომხრეა, რომ რაც შეიძკლება ნაკლები ადამიანი წავიდეს ციხეში.
"ჩემი პოზიციაა, რაც შეიძლება ნაკლები დაისაჯოს და წავიდეს ციხეში", - დასძინა პრემიერმა.