პრემიერ-მინისტრი კობა დავითაშვილზე ისევ გაბრაზებულია. ამის შესახებ ბიძინა ივანიშვილმა ივანიშვილმა ტელეკომპანია "რუსთავი 2"-ისთვის მიცემულ ინტერვიუში განაცხადა. მისი თქმით, საპარლამენტო უმრავლესობის წევრ კობა დავითაშვილს გაფრთხილებას მისცემენ.
"კობა დავითაშვილზე გაბრაზებული ვარ. რაც ვთქვი ჟურნალისტებთან იმას შემიძლია დავამატო, რომ კობასთან მკაცრი საუბარი მქონდა და მას ვუთხარი, რომ მე მის საკითხს პოლიტიკურ საბჭოზე დავაყენებ, რომ მას გაფრთხილებას მივცემთ და თუ ისევ ასე გააგრძელებს, ასე ვერ იქნება. რა თქმა უნდა, პარლამენტის უფლება აქვს და მთავრობა უნდა აკრიტიკოს და თავისუფალი აზრები გამოთქვას, მაგრამ მან გუნდური თამაშის წესები დაარღვია. ელემენტარულად, ჯერ შეგიძლია შიგნით თქვა, თუ რამე არ მოგწონს, ჩვენ ერთად ვმუშაობთ და თუ ვერ მიიღე პასუხი, ახსნა-განმარტება, მაშინ გადი და გარეთ განაცხადე. ამ შემთხვევაში ეს არ მომხდარა", - განაცხადა ივანიშვილმა.