თავდაცვის სამინისტროს მიერ გამოქვეყებულ უსაფრთხოების კონცეფციაში რუსეთის მიმართ ტონი შერბილებულია. პარლამენტის საგარეო კომიტეტის განცხადსებაშიც ტონალობა არის ნორმალური, - ამის შესახებ საქართველოს პრემიერ-მინისტრმა ბიძინა ივანიშვილმა გადაცემა "პოზიციაში" განაცხადა.
"რუსეთან ურთიერთობის აღდგენის საწყისი ცუდი არაა, ამ 6 თვეში რაც ჩვენ ხელისუფლებაში მოვედით. ძალიან საჭირო იყო რუსული ბაზარი, მთელი მსოფლიო ისწრაფვის რუსული ბაზრისკენ. სააკაშვილმა კი მოახერხა, რომ დაეხურა ეს ბაზარი საქართველოსთვის ომამდე თავისი რიტორიკით. ჩვენ, თუ გნებავთ, ისევ რიტორიკით მოვახერხეთ რუსული ბაზრის გახსნა. უახლოს მომავალში ჩვენ ველოდებით თუ არა, რომ ჩვენ მოვახერხებთ ჩვენი ძირითადი ამოცანის ტერიტორიული მთლიანობის აღდგენას, მე არ მაქვს ამის ეიფორია, რომ ეს უახლოეს მომავალში მოხდეს. მე კიდევ გავიმეორებ, რომ გასაღები ჩვენი ტერიტორიული მთლიანობის და საერთოდ პერპექტივის დევს ჩვენს ეკონომიკაში და დემოკრატიული ინსტიტუტების აღმშენებლობაში. ჩვენ უნდა მოვახერხოთ ჭეშმარიტი დემოკრატიული ინსტიტუტების დაფუძნება. ჭეშმარტის და არა ფასადურის, როგორც წლების განმავლობაში ხებოდა. საქართველო უნდა გახდეს დემოკრატიის შუქურა არა მოჩვენებით, არამედ რეალურად. დემოკრატია ვერ იქნება ეკონომიკის გარეშე და ეს არის ყველაზე მძიმე და ყველაზე რთული. ძალიან ბევრს ვზრუნავთ ამაზე უნდა მოხერხხდეს ეკონომიკის აღორძინება", - განაცხადა ივანიშვილმა.